= Agar Bazm-e-Insaan mein Aurat naa hoti – URDU SAD SHAYARI.🚬

Agar Bazm-e-Insaan mein Aurat naa hoti

Aurat shayari#!

Agar Bazm-e-Insaan mein Aurat naa hoti
khayaalo ki rangeen jannat naa hoti

Sitaaro ke Dilkash Fasaane naa hote
Bahaaro ki naazuk haqeeqat naa hoti

Jabeeno pe Noor-e-Masarrat naa hota
Nigaaho mein Shaan-e-marrawwat naa hoti

Ghataao ki Aamad ko Saawan taraste
Fizaao mein Behki Baghaawat naa hoti

Faqeero ko Irfaan-e-Hasti naa milti
Ataa Zahido ko ibaadat naa hoti

Musaafir sadaa manzilo par bhatakte
Safeeno ko saahil ki qurbat naa hoti

Har ik phool ka rang pheeka sa hota
Naseem-e-bahaaraan mein nikhat naa hoti

Khudaayi ka Insaaf Khaamosh rehta
Sunaa hai kisi ki shifa’at naa hoti

AURAT SHAYARI..

Show More

Related Articles

Leave a Reply

Your email address will not be published. Required fields are marked *

Close